நம்மை...

நம்மைப் பிரித்து
வைத்திருக்கும் தூரம்
பிழையாகிவிடுமா என்ன?
நாம் இருவரும்
சரியாகவே இருக்கையில் ....

நிச்சயதார்த்தம்...

இன்று...

கணவனாக

நிச்சயிக்கப்பட்ட
இவன்..,
என் வருங்காலக்
காதலன்!

..!!..

பசியிலிருக்கும் தன் பிள்ளையை
நினைவிற்கொண்டு

பகலில் தன்னைப்
பரிமாறிகொண்டிருந்தாள்

அவள்...
"விலைமகள்"

ஹைக்கூ..

எழுந்து ஆரவாரமிட்டு
கைகள் தட்ட ஆசை.
ஆனால்,
ஏழ்மை தடுக்கிறது..
சட்டையின் கைக்குள்
கிழிசல்கள்!!

மௌனங்கள்

உன்னுடன் பேசுவதற்கான
என் தனிமை
நேரத் தயாரிப்புகளில்..,
வார்த்தைகளுக்கு
சுயம்வரம்
நடத்தினேன் நான்.
மௌனங்கள் கொடுத்து
தொலைந்தே போயின
வார்த்தைகள் எல்லாம்..!

..!?..

மௌனங்கள் கொடுக்கிறேன் நான்..
"உன் தூக்கம் கலையாமலிருக்க"
நீயோ வார்த்தைகள் கேட்கிறாய்..
உன் கனவுகள் கலையாமலிருக்க!!

நான் கடல்...

நான் கடல்...

எல்லோரும் நதிகள்..,

எவராலும் என்னை

நிரப்பமுடியாது.

ஆனால்

நீ இன்றி

வற்றி போவேன்...!