இன்னைக்கு அண்ணா பொண்ணுக்கு birthday.
காலைலேயே விஷ் பண்ணியாச்சு.
அட்ட நல்லாக்கீயா?-ன்னு நலம் விசாரிச்சாங்க குட்டிம்மா.
வேலை நேரத்திற்கிடையிடையே வந்துவந்து போன
அந்தக் குரல் இனிப்பு வழங்கி வழங்கிச் சென்றது.
0
உன்னுடைய ஒவ்வொரு
பிறந்த நாளுக்கும்,
இரண்டு பரிசுப்பொருட்கள் என்னிடமிருந்து.
ஒன்று,
இந்த பிறந்தநாளுக்கானது
மற்றொன்று,
இனி வரும்
எல்லா பிறந்தநாட்களுக்குமானது.
0
இன்றைய தேதி
எழுதும் போதெல்லாம்,
உன்னிடம்
எழுந்து வரும் மனதைத்
தடுக்க முடிவதில்லை.
0
நாட்காட்டி,
அலைபேசி,
கைகடிகாரம்,
எல்லாமும்
பெற்றுக்கொண்டது போக,
மீதமாயிருக்கிறது
இன்னமும் சொல்லப்படாத
உனக்கான ஒரு வாழ்த்து!
